Hurdegaryp-Maastrichts

Hurdegaryp
Hurdegaryp heet neet altied op de plaots gelege boe ut noe ligk. De naom Hurdegaryp zou volges de enseklopedie vaan Friesland kinne beteikene: " un hel streek op un smal strook land", in ut Letien hèt dat: ripa en in ut Frans hèt dat: rive. Dees strook land waor aon de Zomerweeg ten zuije, vaan boe noe ut dörrep ligk. De Zomerweeg waor un deil vaan de verbindingsweeg tösse Leeuwarden en Groningen. Dao, boe noe de iesbaon "It Koopmans-boskje" ligk, stoond ouch de daartiende-ieuwse oet kloestermoppe opgetrokke kèrrek mèt zaodeldaak. De straotnaom Preesterlaonswei is nog ut einigste dat diech rappeleert aon de groond vaan de kèrrek oet deen tied.  In de loup vaan de zeventiende en achttiende-ieuw verplaotste de dörrepskoomp zich nao ut noorde en in 1711 woord un begin gemaak mèt de bôuw vaan de huidige kèrrek aon de Rieksstraotweeg. Un aontal graafzerke oet de aw kèrrek woorte in de touwgaanksruimte vaan de nuij kèrrek in de binnemoer gemetseld. De inwoeners vaan Hurdegaryp waor veur ut euvergroete deil, boer. Ut dörrep heet ziene veuroetgaank veural te daanke aon de (lieg) veenderije d'rumheen. In de "wandelinge vaan miene aajd noonk, d'un opziechter", in 1841 door M.de Haan-Hettema oetgegeve beij W.Eekhof in Leeuwarden- woort Hurdegaryp besjreeve es: " 'n hiel lang rij hoezer mèt de kèrrek in ut midde" en loupend euver ut "Slagtepad" zuut de sjriever:"Dat dit smaal vootpad, aon weerskante door un sloot aofgesjeije vaan ut mèt poolen en moerasse doorsnoje reetveld, neet um aon te zien waor. In 1830 woort de "Zwarteweeg" dee vaan 1528 tot 1531 waor aongelag, doorgetrokke, es de rieksweeg naor Groningen. Dees "Grinzer Strjitwei" ouch wél "Grutte Strjitwei" genump, heet Hurdegaryp gemaak tot wat ut noe is, zoewel in positieve es in negatieve zin. .

Vertaling Armand Schoonbrood